Avokati, Mile Naumovski, nga Shkupi ka ngritur iniciativë në Gjykatën Supreme të Republikës së Maqedonisë së Veriut, ku kërkon qëndrim juridik për më shumë çështje në lidhje me procedurën penale, përfshirë këtu edhe çështjen e faljeve të dhëna nga ish-presidenti i Republikës së Maqedonisë së Veriut, Gjorge Ivanov.
Në vitin 2016,kur Gjykata Kushtetuese rrëzoi ndryshimet ligjore të vitit 2009 me të cilat u fshi neni 11, ku dhe i dha mundësinë presidentit që të jepte abolimin edhe pa kryer procedurën e faljes. Menjëherë pas vendimit të Gjykatës Kushtetuese, raportohet se Ivanov ka marrë vendim për faljen e më shumë se 50 personave, politikanëve dhe bashkëpunëtorëve të tyre të afërt të dyshuar nga Prokurorinë Publike Speciale , gjë që solli protesta masive. Pas reagimeve në opinion, në Kuvend u miratuan ndryshimet në Ligjin për falje, të cilat lanë hapësirë për tërheqjen e abolimeve. Ivanov më pas njoftoi se ka tërhequr vendim për abolimin e 22 personave, në mesin e të cilëve ka edhe persona që deri më tani nuk i janë drejtuar kabinetit të tij me një kërkesë të tillë.
Po ashtu bëhet e ditur se gjykata ka një afat prej gjashtë muajsh për ta diskutuar këtë iniciativë. Qëndrimi pozitiv i gjykatës më të lartë do të nënkuptonte konfirmimin e faljeve të bëra nga ish-presidenti Gjorge Ivanov.
