Errësira në tubimin e Zjarrit, Grubi: drita e fortë t’i verbon sytë

Zëvendëskryeministri i parë, nga BDI, Artan Grubi ka reaguar ndaj informacionit se tubimi i Grupit të zjarrit për disa sekonda ka kaluar në errësirë, shkaku i ndërprerjes së energjisë elektrike, transmeton TV21.

Grubi thotë se asnjëherë nuk ka pasur ndërprerje të energjisë elektrike, kjo falë politikave qeveritare.

Por thotë se “drita e fortë t’i verbon sytë”.

Më poshtë reagimi i plotë i Grubit:

Fal politikave të suksesshme të Qeverisë, edhe përkundër krizës së madhe energjetike, nuk kishim asnjë sekond të restrikcioneve dhe të ndaljes së rrymës.

Me keqardhje dëgjoj arsyetime dhe shpifje banale për “ndërprerje të rrymës” gjersa gjitha dritat dhe reflektorat në sallë janë ndezur dhe për asnjë çast nuk ka pas ndërprerje rryme.

Drita e fortë ti verbon edhe sytë, shkruan Kadare në Qorrfermanin e tij.

Ta ruajmë fytyrën që ta shohim dhe ti flasim njëri tjetrit edhe nesër.