Arianit Xhaferi në emisionin “ENTER” tha se nuk është se priten ndryshim i madh nga përbërja e re, nëse emrat e rinj udhëhiqen nga lokomotiva e vjetër.
“Unë pashë emra të vjetër në fillim, ndërsa pas emra të rinj. Pra, lokomotiva e vjetër do të udhëheq me emrat e rinj. Nuk pres ndonjë ndryshim të madh”, ka deklaruar Xhaferi.
Ai tha se këta emra që kanë qenë nuk kanë lënë ndonjë shenjë ndaj ndryshimit mjedisorë.
“Prandaj, shumë me rëndësi është që të jenë zëra të zhurmshëm dhe jo si ata të cilët nuk kanë thënë asgjë në kuvend. Duhet të jenë zëra që do të flasin në emër të qytetarit. Nëse nuk do të ndodh kjo nuk do të kemi as zhvillim ekonomik e as që të shpresojmë që të jemi të gatshëm t’i bashkohemi familjes evropiane”, shtoi Xhaferi.
