Ngjyrat e flamurit të Maqedonisë, bashkë me flamujt e tjerë të vendeve pjesëmarrëse në Lojërat Olimpike Dimërore 2018 do të ndriçohen në ndërtesën e njohur të Nju Jorkut Empajar Stejt Billding. Ndriçimi është në nder të hapjes së sotme të edicionit të 23-të të Lojërave Olimpike Dimërore të cilat po mbahen në Pjongçang të Koresë Jugore. Siç informojnë nga Ministria e Punëve të Jashtme, ndriçimi dhe rrotullimi i ngjyrave të flamujve të vendeve pjesëmarrëse në LOD, do të fillojë sot në orën 23:22 sipas kohës sonë.
