Emigrant për punë në Katar, Zaimi: S’ka keqtrajtime, nuk rikthehem në Shqipëri

Fabian Zaimi punon si inxhiner në Katar. Ai tregon se paguhet mjaft mirë, për pozicionin e punës dhe kushtet janë tepër të favorshme.

“Pagesat sipas eksperiencës që kanë. Punëtorët që vijnë në fillim marrin 1300-1400 euro. Rrogat variojnë deri më 2100 euro. Nuk punojmë as në orare të zgjatura, punojmë rreth 8 orë, kemi pushimin e drekës, ndihem i respektuar”, thotë ai. Ai hedh poshtë lajmet se punëtorët atje, keqtrajtohen.

“Në media thuhet që në Katar ka një skallavërim të punëtorëve, një keqtrajtim të tyre. Por ne që jetojmë dhe punojnë e shohim që nuk është e vërtetë. Ne punojmë me rregulla pune, kemi siguracionet, është çështje kompanie. Punëtorët nuk jetojnë nëpër kampe, janë shtëpia të marra me qira, në çdo shtëpi jetonjë rreth 4-5 persona”, u shpreh ai.

Fabiani ka krijuar familjen e tij, në Katar. Për të Shqipëria mbetet një vend i bukur, por nuk është në planet e tij, rikthimi.