Ekipi i parë prej 141 punonjësish shpëtimi ka mbërritur në pikën e kalimit kufitar të prekur nga rrëshqitja e dheut në Gyirong, në Rajonin Autonom të Xizang-ut të Kinës Jugperëndimore, të enjten në mëngjes, pasi kjo fatkeqësi shkaktoi viktima të konsiderueshme përgjatë kufirit Kinë-Nepal, sipas Ministrisë së Menaxhimit të Emergjencave të Kinës.
Një helikopter i lartësive të mëdha ka mbërritur gjithashtu në zonën e prekur nga fatkeqësia, tha ministria.
Rrëshqitja e dheut goditi pikën kufitare Gyirong në kontenë me të njëjtin emër në Xizang të mërkurën në mëngjes. Deri në orën 8 të mëngjesit të së enjtes, tre veta kishin humbur jetën, 558 të tjerë mbeteshin të zhdukur, ndërsa dy banorë vendas janë shpëtuar, thanë autoritetet vendore.
Një grup tjetër prej 111 punonjësish shpëtimi nga ekipi i Kërkimit dhe Shpëtimit i Kinës mbërriti në kontenë Gyirong në orën 14:28 të së enjtes dhe do të shkojë në pikën kufitare Gyirong për të kryer operacione shpëtimi.
Një ekip paraprak prej tetë anëtarësh nga “China Anneng”, një ndërmarrje shtetërore inxhinierike dhe shpëtimi, mbërriti në kontenë Gyirong të enjten herët në mëngjes me pajisje komunikimi e zbulimi për të mbledhur të dhëna kyçe dhe për të mbështetur përpjekjet për të trajtuar një bllokim në rrjedhën e sipërme, i cili është një përparësi kryesore.
Vetëm pasi të trajtohet rreziku i paraqitur nga bllokimi, mbeturinat e grumbulluara rreth 3 km në rrjedhën e sipërme të pikës kufitare mund të pastrohen në mënyrë të sigurt, sipas personelit të shpëtimit në vend.
Qindra punonjësish shpëtimi të tjerë, që mbajnë pajisje e furnizime për zbulim, shpëtim, komunikim dhe mbështetje logjistike, po shkojnë në vendndodhje
Në qytezën Gyirong në Rajonin Autonom të Xizang-ut të Kinës Jugperëndimore të enjten pasdite, shkoi edhe kryeministri kinez Li Qiang.Ai po ndjek nga afër punën dhe përpjekjet e operacioneve të shpëtimit.
