Me përzgjedhjen e duhur të furnizuesit dhe ushtrimin e zakoneve energjetike efikase, është e mundur të kursehen deri në 30% e kostove vjetore. Kjo nuk përfaqëson vetëm kursim të drejtpërdrejtë, por edhe një qasje të përgjegjshme ndaj mjedisit.
Sipas analizave të fundit, ndërrimi i furnizuesit mund të sjellë kursime vjetore nga 10% deri në 30%, sidomos nëse zgjidhet një model i përshtatur me konsumin real.
Një kompani e tillë është EDS, e cila ofron stabilitet, inovacion dhe mbështetje për kompanitë në tranzicionin e tyre drejt një menaxhimi më efikas dhe të qëndrueshëm të energjisë.
Në një intervistë të fundit, drejtori ekzekutiv i EDS, Aleksandar Sarxhovski, shpjegoi konceptin “EDS si partner energjetik, jo vetëm furnizues” dhe theksoi të rejat në funksionimin e kompanisë:
“Inovacionet që kemi futur synojnë digjitalizimin, komunikimin transparent, modelet fleksibile të tarifave dhe mbështetjen për tranzicionin drejt burimeve të gjelbra të energjisë. Si pjesë e një grupi të madh energjetik, kemi qasje në burime dhe njohuri që i vëmë në shërbim të klientëve tanë. Ne duam që klientët të na shohin si partnerë në zhvillimin dhe transformimin e tyre energjetik.”
EDS është pjesë e grupit PPC, një nga kompanitë më të mëdha energjetike në Evropën Juglindore, me kapacitet të instaluar prej 12.4 GW dhe praninë aktive në Greqi, Rumani, Itali, Bullgari, Kroaci dhe Maqedoninë e Veriut.
Kompania u ofron klientëve dy pako tarifore, të cilat u lejojnë bizneseve të zgjedhin modelin më të përshtatshëm sipas profilit të tyre:
– Pako “Pa obligime” – pagesë me çmim fiks për kWh, pa kontratë afatgjatë, me fleksibilitet mujor. E përshtatshme për biznese me konsum sezonal apo të paqëndrueshëm.
– Kontratë afatgjatë (12 muaj) – çmim më i ulët dhe i qëndrueshëm (10,49 den/kWh), me zbritje deri në 3.000 denarë për gjashtë muajt e parë.
EDS ofron furnizim 100% me energji nga burime të rinovueshme dhe çdo klient merr certifikatë origjine të energjisë, sipas standardeve evropiane – veçanërisht e rëndësishme për kompanitë që punojnë me tregje të huaja dhe që ndjekin kriteret ESG.
Për më tepër, EDS investon aktivisht në shërbime digjitale, analiza konsumi dhe edukim për menaxhim të qëndrueshëm të energjisë.
