Një grua humbi jetën të enjten në mëngjes në Aeroportin Ndërkombëtar të Çikagos O’Hare pasi u gjet në një nga karuselët me bagazhe. Gruaja, e cila ende nuk është identifikuar publikisht, ishte 57 vjeç, sipas Departamentit të Policisë së Çikagos.
Mësohet se gruaja ishte pasagjere dhe jo pjesë e stafit të aeroportit. Me të mbërritur në vendngjarje, mjekët e urgjencës gjetën gruan të ngatërruar në sistemin e rripit të transportit që përdoret për të lëvizur bagazhet.
Policia tha se pamjet e vëzhgimit të zonës treguan gruan duke hyrë në një zonë të ndaluar për pasagjerët e thjeshtë në orën 2:27 të mëngjesit. Zona është shpallur skenë krimi dhe Departamenti i Policisë së Çikagos po heton çështjen.
