E konfirmon bashkëshortja e Tarçullovskit: Qeveria më ka paguar 8 vite nga 5 mijë euro në muaj!

Thellohet skandali lidhur me mjetet buxhetore që ia ka ndarë qeveria VMRO-BDI familjes së Johan Tarçullovskit.  Sonja Tarçullovska, bashkëshortja e Johan Tarçullovskit, të dënuar për krime lufte ndaj shqiptarëve të Lubotenit, përmes një letre të hapur e ka pranuar se qeveria VMRO-BDI i ka dhënë nga 5.000 euro në muaj, shkruan Gazeta Lajm. Kjo letër e saj vjen pas publikimit të dokumentit që tregon vendimin e qeverisë në vtin 2001, sipas të cilit familjes së Johan Tarçullovskit i janë dhënë 60 mijë euro në vit nga buxheti shtetëror. Ajo thotë se është e saktë që ka marrë para nga shteti, por se kanë qenë pak dhe se i kanë mbetur vetëm 270 euro në muaj. Këtë ndihmë e ka marrë tetë vite me radhë, që do të thotë se nga buxheti shtetëror familjes Tarçullovski i janë dhënë 480 mijë euro. “Ja unë do t’ua them. Në periudhën prej 8 viteve deri sa Johan Tarçullovski vuante burgun, çdo vit shteti na jepte kompensim prej 5.000 eurove”, ka shkruar Tarçullovska.