Pajisje e specializuar teknike moderne, kryesisht e përbërë nga kamera termovizive, detektorë të rrahjes së zemrës, sisteme për kontroll të dokumenteve, sisteme për mbikëqyrje kufitare dhe automjete të posaçme do të dorëzohet sot në vendkalimin kufitar
“Bogorodica” në kufirin Maqedoni-Greqi. Pajisja, e cila do të jetë donacion për policinë kufitare është në vlerë prej rreth 3,7 milionë euro dhe duhet jashtëzakonisht të kontribuojë për pengim dhe shkatërrim të kontrabandimit të emigrantëve dhe
tregtisë me njerëz. Pajisja e donuar është siguruar në kuadër të projektit të BE-së për Masa speciale për mbështetje të Maqedonisë për menaxhim me kufirin jugor në kontekst të krizës emigruese evropiane. Në pranim-dorëzimin e pajisjes do të kenë fjalim Samuel Zhbogar, shef i Delegacionit të Bashkimit Evropian, Oliver Spasovski, ministër i Punëve të Brendshme dhe Sonja Bozhinovska-Petrushevska, udhëheqëse e zyrës së Organizatës ndërkombëtare për migrime – IOM Shkup.
