Djali i Vice Zaevit demanton se ka marrë pjesë në incident

Djali i Vice Zaevit demanton se ka marrë pjesë në incident

Pançe Zaev, djali i Vice Zaevit, nip i kryeministrit Zoran Zaev, i ka hedhur poshtë si të pasakta informacionet për gjoja involvimin e tij në ndonjë incident gjatë uikendit të kaluar. Informacionin e tillë e publikoi portali Infomaks.
Ja demanti i tij i plotë:
Jam i habitur dhe i dëshpëruar si njeri i ri kur i lexoj titujt tendencioz në portalin Infomaks.
Megjithatë si familje gjithmonë kemi qenë, jemi dhe do të jemi në anën e të vërtetës dhe për të do të luftojmë dhe do të japim sakrificë të pamohueshme. Për këtë arsye kërkoj që organet kompetente të veprojnë menjëherë edhe të binden se incident i tillë nuk ekziston. Për këtë arsye kërkoj të pastrohet kjo mjegull dhe të pengohet kjo fushatë dhe përhapje e lajmeve të rrejshme lidhur me mua dhe familjen time, për gjoja incident në një lokal në Shkup. Kërkoj që incizimet e gjoja incidentit, nëse ekzistojnë, të bëhen publike.
Kërkoj nga portalet që e publikuan këtë lajm të rrejshëm, pas përfundimit të hetimit menjëherë të kërkojnë falje publike dhe të njëjtat publikime t’i largojnë nga hapësira mediale.
Si njeri i ri rreshtohem fuqishëm prapa fjalës së lirë, por njëkohësisht edhe fuqimisht do të kundërshtoj çdo lajm të rrejshëm që ka për qëllim të më dëmtojë mua ose këdo qoftë.