Policia ka dalë me detaje lidhur me përleshjen e armatosur që ka ndodhur gjysëm ore pas mesnate në hotelin “Aleksandar Palace” në Shkup.
Tre persona kanë shtënë në drejtim të pesë personave tjerë që kanë qenë në hotelin. Nuk ka persona të lënduar.
“Më 01.12.2019, rreth orës 00:35 është paraqitur gjuajtje me armë zjarri në hotelin Aleksandar Palace në Shkup. Persona të lënduar nuk ka. Në restorantin e hotelit kanë qëndruar E.I. (21), E.I. (25), O.B. (35), K.I. (41) dhe L.Q. (25), tre persona kanë filluar të gjuajnë ndaj tyre. Atëherë L.Q., zyrtar policor i cili nuk ka qenë në punë, ka gjuajtur me armë nga pistoleta zyrtare ndaj tyre, pas së cilës ata janë larguar”, kanë bërë të ditur nga MPB.
Ata shtojnë se po punohet në zbardhjen e plotë të rastit.
