Ligjëratë dhe debat me temë “Të rinjtë dhe inovacionet” do të mbahet sot në Fakultetin e Makinerisë në Shkup, si pjesë e edicionit të tretë të manifestimit “Nata e ideve”, që e organizon Instituti francez në Shkup.
Në takimin, i cili këtë vit i përkushtohet “Fuqisë së kreativitetit” do të prezantohet institucioni i arsimit sipëror Shkolla 42, drejtori pedagogjik i së cilës Olivje Kruze, do të flasë për transformimin digjital në arsim dhe do ta prezantojë inkubatorin më të madh evropian startap Stacioni F. Prezantim do të ketë edhe studenti i vetëm nga Maqedonia në Shkollën 42 Vollhan Sallahi, profesoresha nga Fakulteti i Makinerisë Radimilla Polenkoviq do të flasë për gjendjen me inovacionet
në planin vendor, ndërsa është paralajmëruar pjesëmarrje edhe e Krisitian Daniellovskit, bashkëthemelues i kompanisë më të madhe të Maqedonisë për animacione – FHYH. Ngjarjen do ta hap ambasadori i Francës në Maqedoni Krisitian Timonie.
“Nata e ideve” organizohet në bashkëpunim me Fakultetin e Makinerisë, Fakultetin për Elektroteknik dhe Teknologji Informatike, Fakultetin për Shkenca Informatike dhe Inxhinieri Kompjuterike dhe Fondacionin “Prof dr Dimitar Stamboliev”
