Konferencë kushtuar rolit të bashkësive lokale dhe urbane në procesin e decentralizimit në Maqedoni do të mbahet sot në Shkup në kuadër të projektit “Rrjetëzim dhe përfaqësim i bashkësive vendore dhe urbane”. Qëllimi i projektit është avancimi i procesit të decentralizimit me rrjetëzimin dhe përfaqësimin e bashkësive vendore dhe urbane, si dhe përforcim i kapaciteteve të bashkësive lokale dhe urbane në Maqedoni dhe përforcim i ndikimit të tyre me kyçjen e qytetarëve në të gjitha proceset e planifikimit në pushtetet lokale. Në kuadër të projektit janë formuar 16 shoqata të qytetarëve në nivel të pushteteve lokale në Maqedoni, të cilët pastaj u rrjetëzuan në Lidhje të shoqatave në nivel të rajoneve planore, që në fund
të formohet edhe Rrjeti nacional për zhvillim të qëndrueshëm të bashkësive, e cila do të promovohet në këtë ngjarje. Para pjesëmarrësve në ngjarje duhet të mbajnë fjalime Suhejl Fazliu, ministër i Pushtetit Lokal, Aleksandar Kërzhallovski, drejtor ekzekutiv i Qendrës së Maqedonisë për bashkëpunim ndërkombëtar (QMBN) dhe Metin Muarremi, drejtor ekzekutiv i Qendrës për edukim dhe zhvillim, Tearcë.
