Ramadan Ramadani
Pasi në një shkrim paraprak kisha parashtruar një pyetje për nëse VLEN e di se taksimetri llogarit edhe kohë dhe jo vetëm distancë të kaluar, sikur duhej qartësuar më tej se çka është ajo që ia llogarit taksimetri koalicionit VLEN:
a) Mbetja dhe qëndrimi në kontekstin dhe diskursin politik qytetar. Nëse ka diçka që e ka karakterizuar votën qytetare shqiptare gjatë këtyre zgjedhjeve lokale, sidomos atë që iu dha VLEN-it është mu ky insistim në zgjidhje të probleme lokale dhe përqëndrim në kontekstin dhe diskursin politik qytetar e shtëtëror. Shqiptarët nuk hynë në kurthin e disa akterëve që u munduan të përfitojnë politikisht nga një kontekst ndëretnik e as u përgjigjën provokimeve etnike; që si gjithnjë ishin prezente edhe gjatë këtyre zgjedhjeve dhe kësaj fushate. Por, që tëmbetet kështu dhe të mos kalohet në kontekst ndëretnik dhe tëartikulojë dikush diskursin etnik shqiptar duhet VLEN të sjellëligje, masa dhe kujdes institucional të vazhdueshëm.
b) Themelimi i adresës unike shqiptare në RMV. Pra kjo konsiston në atë që shqiptarët e Maqedonisë të kenë një tabelë, kuti postare, cilësi, zyre ose edhe pse jo: lider të vetëm. Ku do shkruante: Shqiptarët-Maqedonia e Veriut. Askush nuk do u përzihet se çka dhe në çfarë forme do e rregullojnë këtë, por kjo duhet bërë shpejt dhe menjëherë ngase duhet artikuluar interesi politik nga vota që e kanë marrë; jo vetëm si shpërblim po edhe shumë më shumë si obligim dhe përgjegjësi. Por edhe si domosdoshmëri e një adrese të vetme ku do drejtohen shteti, pushteti dhe institucionet. E edhe si adresë për BE-në, shqiptarët tjerë dhe krejt bota mbarë! Nëse e vazhdojmë krahasimin me taksimetrin atëherë kjo është ajo shifra e parë, ajo e startit. Dihet se taksimetri nuk nis nga zero, por nga një kuotë të rregulluar paraprakisht me ligj ose me marrëveshje.
c) Çlirimi i pjesës shqiptare të shoqërisë. Vota që ju dha VLEN ishte shumë e motivuar nga tendenca për çlirim të pjesës dhe botës shqiptare në RMV nga uzurpimi dekadent dhe dekador i saj nga BDI. Pra VLEN-in e votuan edhe njerëz që lidhje nuk kanë me shtetin dhe pushtetin në RMV dhe as që u intereson dhe i tangon. Por, votuan me një zell dhe vrull mu për të siguruar këtë çlirim të hises shqiptare në këtë shtet; nga sporti, rrugët e pashtruara e trotoraret e zaptuara e deri tek procesi euro-integrues. Mu ky çlirim i gjyqësisë, mediave, sportit, kulturës, BFI-së dhe arsimit e sidomos universiteteve publike si USHT dhe UNT është parakusht i rëndësishëm në përqëndrimin nëkontekst qytetar dhe diskurs të shëndoshë politik. Sepse shqiptarët këtu, siç u pa edhe gjatë festës së Ditës së Flamurit,për çdo ditë provokohen në baza etnike; në sport, media, nësimbolikë, por edhe në baza fetare, gjuhë dhe arsim. Nëse VLEN i le shqiptarët thatë dhe pa institucione të lira dhe nuk kujdeset që krejt këto rregulla, ligje, shtet dhe shoqëri të vlejnënjësoj për krejt e edhe për shqiptarë atëherë taksimetri ua shkruan shifrën e fundit: 999. Nuk kanë simbolikë këto numra, po shqiptarët e këtuhit mund ti cilësosh si të duash, por asnjëherë ti mendojsh si politikisht të ngratë, të padishëm ose tëpaaftë. Këtë përveç rezultatit të këtyre zgjedhjeve e dëshmojnëedhe herat tjera kur mu këto shqiptarë kanë votuar shumë mbarë. Sidomos në 2011, 2016 dhe tani në 2025.
Për fund të kthehemi edhe një herë te taksimetri për tu kujtuar se çka ndodh pas atyre tre ose katër numrave të fundit: kalohet në shënime tjera. Shënohet me laps dhe në letër, tash edhe në celular dhe kompjuter, por sigurisht se llogaritet saktë, mbahet mend dhe paguhet patjetër.
