Noteri Sefadin Blakaj ka folur për shitjet e banesave nga ana e noterëve e të cilat nuk kanë legalizimi apo pranim teknik.
Ai ka thënë që Ligji mbi Marrëdhënien e Detyrimeve u ka dhënë pushtet të plotë palëve që të bëjnë tregti lirshëm që të vendosin për interesat e tyre private. Ai ka thënë se në këtë drejtim me vullnetin e tyre blerësit marrin përsipër rreziqet në fushën e transaksioneve, biznesit dhe tregtisë, përfshirë këtu edhe tregtimin në paluajtshmëri.
“Qytetarët e kam përshtypjen e dinë dhe duhet me e ditë që kanë ma shumë rrezik nëse vendosin me e ble një njësi ndërtimore ose një banesë ose një njësi afariste e cila hynë në fushën e ndërtimeve të reja dhe rreziku është ma lehte dhe ma mirë i administrueshëm kur qytetarët blejnë ndonjë njësi apo një banese apo një ambient tjetër i cili është i përfunduar dhe titulli kadastral për të cilin është përfunduar”, ka thënë ai.
Blakaj ka shtuar se mundohen të marrin sa më shumë informata nëse ka një ndërtesë ka probleme me legalizim dhe t’i shmangin ose t’i evitojnë transaksionet noteriale për ndërtimet të cilat nuk kanë leje ose ndërtimet të cilat kanë probleme me tejkalimin.
Ndonëse roli i noterit është që të këshillojë të dy palët në një proces të shitë-blerjes, ku palët këshillohen për rreziqet eventuale që mund t’i ketë ajo shit-blerje, praktikat në Kosovë duket se favorizojnë kompanitë ndërtuese të cilat bëjnë marrëveshje me noterët dhe kështu palët shkojnë tek noteri që e përzgjedhë kompania.
“Është praktikë ndërkombëtare që noterin ta përzgjedhë pala e cila po e pagunë dhe e dyta pala e cila ka nevojë ma shumë për këshillim të besueshëm dhe në këtë rast transaksionet e patundshmërive ose transaksionet blerësi është ai që i ekspozohet më shumë rreziqeve dhe është bindja ime që blerësi është ai që duhet të jap më shumë preference për përzgjedhjen e noterit”, është shprehur Blakaj.
Përveç që shitësit e banesave përcaktojnë se tek cili noter të bëhet shit- blerja, ata jo radhë herë shesin banesën më shumë se një herë, e këtë me vetëdije apo pa vetëdije e lejojnë noterët.
“Nëse ndodhin situata kur një palujtëshmëri mund të shitet një here, dy, tri fatkeqësisht edhe mund të ndodhë sepse sidomos këtu kam fjalën për ndërtime të reja sepse jo ta zëmë për një papajtueshmëri të cilat kanë një certifikatë kadastrale te ndërtimet e reja fatkeqësisht mund të ndodhë sepse s’ka sistem të administrimit praktikë të kontratave dhe para kontratave te ndërtimet e reja”, ka theksuar ai.
