Komiteti për parandalimin e torturës dhe sjelljeve jo njerëzore pranë Këshillit Evropian adreson kritika të ashpra ndaj Maqedonisë për gjendjen e burgjeve. Ndër konstatimet e theksuara të këtij Komiteti janë: kushtet jo humane, korrupsioni, tortura dhe maltretimet ndaj të burgosurve dhe mungesa e shërbimit shëndetësor efikas. Në raport gjithashtu është konstatuar se në burgje korrupsioni është i orientuar në pagesat për ndërrimin e qelive, blerjen e barërave dhe telefonave celular. Kritika adresohen edhe për çështjen mbipopullimit në burgun e Shtipit dhe atë të Idrizovës.
