Bujar Osmani i siguron bashkëshortes rrogë 70 mijë denarë

Deri sa shumë të rinj shqiptarë në Maqedoni përballen me ekzistencën, për shkak se nuk mund të punësohen edhe pse kanë kryer shkollim të lartë, familjarët e funksionarëve të BDI-së vazhdojnë të zgjedhin vende pune. Në mesin e tyre është edhe Bujar Osmani.
Siç merr vesh portali kumanovapress, para ca kohe bashkëshortja e tij ka ndryshuar vendin e punës. Nga një vend pune me rrogë solide në Parlamentin e Maqedonisë, bashkëshortja e Osmanit është transferuar në Agjencinë për Komunikime Elektronike, ku rrogat minimale se janë 60 mijë denarë në muaj. Të jetë skandali më i madh, Osmani e ka “rehatuar” bashkëshorten e vet në punë më të mirë, në kohën kur zgjedhjet lokale kanë qenë të shpallura, me çka është shkelur ligji.
Bujar Osmani posedon shtëpi luksoze, kurse vetë është zv/kryeministër, mirëpo grykësia e ka detyruar të zë vendin e ndonjë vajze ose djaloshi të ri shqiptar, që ka nevojë për punë, por nuk mund të gjejë për shkak se nuk ka lidhje politike.
Me këtë veprim, ai ka goditur rëndë kandidatin e BDI-së për kryetar komune në Çair, Visar Ganiu, si kryetar i shtabit të tij zgjedhor.