Reshje të dendura bore priten në Kiev duke filluar nga kjo e dielë, me temperatura që do të bien nën zero ditën e natën, ndërsa miliona njerëz që jetojnë ende në dhe rreth kryeqytetit ukrainas mbeten me pak energji elektrike dhe ngrohje.
“Nëse konsumi rritet në mbrëmje, numri i ndërprerjeve mund të rritet”, tha Zelensky në fjalimin e tij.
Bombardimi i fundit i Rusisë të mërkurën shkaktoi dëmin më të madh deri më tani, duke lënë miliona njerëz në Ukrainë pa drita, ujë apo ngrohje.
Rusia thotë se nuk synon popullsinë civile, ndërsa Kremlini tha se sulmet e Moskës në infrastrukturën energjetike janë pasojë e mungesës së dëshirës së Kievit për të negociuar.
Në një përleshje të rrallë publike që përfshin liderët ukrainas, Zelenskiy kritikoi të premten kryebashkiakun e Kievit për atë që ai tha se ishte një punë e dobët duke ngritur strehimore emergjente për të ndihmuar ata që nuk kanë energji dhe ngrohje pas sulmeve ruse.
