Biografi: Kush është Hazbi Idrizi, kryetari i Bogovinës që u vra sot

Kryetari tashmë i ndjerë i Komunës së Bogovinës, Hazbi Idrizi, u lind më 21 mars, të vitit 1959 në Bogovinë. Shkollën fillore e kreu në vendlindje dhe shkollën e mesme të ekonomisë në Gostivar. Më 1985 diplomoi në Fakultetin Ekonomik në Prishtinë. Ka punuar si kontabilist i autorizuar prej 1985 deri më 1995. Pastaj deri më vitin 2000 ka qenë kryetar i Këshillit të komunës së Bogovinës,e gjatë periudhës 1998 deri më 2000 ka qenë drejtor i Fondit për rrugë lokale në komunën e Tetovës. Prej vitit 2000 deri më 2005 ka qenë kryetar i komunës së Bogovinës, pastaj prej marsit të vitit 2005 ka qenë udhëheqës i seksionit për ZHEL në komunë, prej vitit 2007 deri 2008 drejtor i NP ,,Shari”. Në zgjedhjet lokale të vitit 2009, Idrizi për herë të dytë u zgjodh kryetar i komunës së Bogovinës. Fliste gjuhën maqedonase, frenge dhe serbe.