Nga Ministria e Ekonomisë thonë se vetëm në maj vendin tonë e kanë vizituar mbi 100 mijë turistë, pa përllogaritur kalimet transit.
“Në tremujorin e parë të këtij viti krahasuar me të njëjtën periudhë të vitit paraprak , turizmi në vendin tonë është rritur për 18.7%. Numri i turistëve të huaj ka shënuar një rritje deri në 23%, ndërsa i atyre vendor 1-.8%. Vetëm në muajin maj të këtij viti, Maqedonia u vizitua nga 104.034 turistë të cilët mesatarisht kanë qëndruar dy net në vend. Vlen të përmendet edhe numri i transitorëve i cili nuk duhet të anashkalohet, nëpërmjet korridorit 10 kalojnë mesatarisht 3,5 milionë vizitorë”,- deklaroi ministri i ekonomisë, Kreshnik Bekteshi.
Por, me gjithë shifrat e larta, turistët kërkojnë kushte bashkëkohore. Organizata Botërore e Turizmit dhe Komiteti për Turizëm i KE-së, i kanë rekomanduar vendit tonë të punojnë për një shkallë më e lartë e digjitalizimit dhe inovacioneve që është një trend botëror.
Puna në këtë drejtim ka filluar. Sot u promovua aplikacioni celular “Visit – Macedonia”, i përshtatshëm për telefonat androidë, që do të lehtësojnë orientimin e turistëve duke u ofruar të gjitha informacionet e nevojshme.
“Aplikacioni përmban gjithashtu një planifikues udhëtimi të cilin përdoruesit mund ta ketë pas një hulumtimi të objekteve të interesuara. Aplikacioni ofron një mundësi tjetër aktive, “ditarin e udhëtarit”, që është një gjurmë e udhëtimit të përdoruesve të këtij aplikacioni dhe si qëllim ka shënimin e të dhënave të vizitës së tij në vendin tonë”,- theksoi ministri i ekonomisë, Kreshnik Bekteshi.
Aplikacioni është në tre gjuhë, shqip, maqedonisht dhe anglisht. (Tvm2)