Bashkësia energjetike evropiane me rekomandim ndaj Maqedonisë

Bashkësia energjetike evropiane i rekomandon Maqedonisë që tarifën e lirë për energji elektrike ta vendos vetëm për kategoritë sociale dhe për periudhë kohore prej dy viteve. Drejtori i Sekretariatit për bashkësi energjetike Janez Kopaç, i cili sot pati takim me anëtarët e Komisionit kuvendor për çështje ekonomike, ka deklaruar se detajet rreth propozimit të Qeverisë së Maqedonisë për kthimin e tarifës së lirë për të  gjithë qytetarët nuk i ka të njohura, por se përjashtme janë të mundshme vetëm nëse ato janë mirë të argumentuara, të kufizuara përkohësisht dhe shpenzimet e bëra gjatë realizimit të paguhen nga buxheti i shtetit. “Nuk e di saktë çfarë është ai propozim. Kemi dëgjuar se ka pasur diçka të tillë në fushatat parazgjedhore, por detajet nuk i dimë. Përjashtime janë të mundshme, por duhet të jenë shumë të arsyeshme, në konsultim me Sekretariatin, të kufizuara përkohësisht dhe shpenzimet e bëra të paguhen nga buxheti publik, e jo nga konsumatorët tjerë të energjisë elektrike”, theksoi Kopaç. Nga Qeveria paralajmërojnë se propozimi për kthimin e tarifës së lirë nuk do të jetë në kundërshtim me rregullativën e Bashkimit Evropian dhe se nuk do të paraqesë shpenzim të madh për konsumatorët (koha.mk)