Në Barcelonë, të gjithë presin konfirmimin e shkarkimit të Xavit, gjë të cilën Joan Laporta pritet ta shpallë në ditët në vijim, me sa duket të hënën. Presidenti mbetet i vendosur në synimin e tij për t’i dhënë fund marrëdhënies kontraktuale me trajnerin nga Terrassa dhe, përveç kësaj, tashmë ka rënë dakord me Hansi Flick.
Sido që të jetë, në institucionin katalanas ka ende nga ata që nuk e kanë aq të qartë largimin e ish-mesfushorit katalanas, sepse nuk përjashtojnë një ndryshim në qasjen e avokatit dhe për shkak se zgjidhja financiare e kontratës me trajnerin aktual mund të jetë e ndërlikuar.
Hansi Flick është në pritje të një telefonate nga Barcelona për të konfirmuar se ai do ta pasojë Xavin. Trajneri gjerman dhe klubi katalanas kanë pasur biseda ditët e fundit, që kanë shërbyer për të verifikuar harmoninë e mirë mes të dyve dhe gjithashtu për të konfirmuar se kanë qëndrime të ngjashme në kushtet e kontratës, të cilat ende duhet të miratohen dhe të finalizohen.
Apriori, nuk do të jetë një lidhje e gjatë, por asgjë nuk është e mbyllur apo e nënshkruar. Nëse ardhja e ish-trajnerit të kombëtares gjermane konfirmohet, Joan Laporta do të përmbushë një nga ëndrrat e tij. Në fakt, që prej kthimit në presidencën blaugrana, Laporta ka zgjedhur rrugën gjermane për pankinën e Barçës.
Ish-trajneri i Bayern Munich, megjithatë, ka një këmbë e gjysmë te Barcelona. Por që ardhja e tij të ndodhë, Xavi duhet të largohet i pari. Trajneri nga Terrassa u ratifikua një muaj më parë dhe shkarkimi i tij do të kushtonte afërsisht 20 milionë euro. Ndërkohë, Xavi drejton stërvitjen, i vetëdijshëm se me siguri po përjeton orët e fundit si trajner i Barcelonës.
