Kandidatja për kryetare e Qytetit të Shkupit Danella Arsovska, si një grua e sukseshme në profesionin e saj po i vë një theks të veçantë mbështetjes të grave në mënyrë që ato të përmbushin potencialin e plotë të tyre. Kjo mund të shihet edhe nga postimi i saj të fundit në rrjetet sociale ku ajo thotë se lufta kundër dhunës ndaj grave duhet të jetë në fokusin e shkupjanëve. Ajo për këtë qëllim ka realizuar edhe një takim me drejtoren e Rrjetit Kombëtar kundër dhunës ndaj grave dhe dhunës në familje “Zë kundër dhunës”, Elena Dimushevska. “Folëm për nevojën për veprim të koordinuar të organizatave të shoqërisë civile dhe Qytetit të Shkupit, si dhe për nevojën për të krijuar një zgjidhje të përshtatshme për këtë sfidë. Përmirësimi i politikave dhe praktikave në luftën kundër dhunës ndaj grave dhe dhunës në familje duhet të jetë në fokusin e kujdesit të Shkupit për shkupjanët”, thotë Arsovska përmes rrjeteve sociale.
