Sot në orët e mëngjesit janë arrestuar 5 persona të nacionalitetit turk, punëtorë të kolegjit “Mehmet Akif”.
Sipas informacioneve, 3 persona janë arrestuar në Gjakovë dhe dy të tjerë në Prizren.
Kolegji “Mehmet Akif” konfirmoi se të arrestuar janë: Drejtori i përgjithshëm i Kolegjit “Mehmet Akif”, Mustafa Erden; zëvendës drejtori i përgjithshëm, Yusuf Karabina; drejtori i shkollës në Gjakovë, Karaman Demirez; Cihan Oskan dhe Hasan H. Gunakan.
Kolegji tha se “ende nuk dihet vendndodhja e tyre”.
Zëdhënësi i Policisë së Kosovës, Baki Kelani nuk dha detaje për arrestimet por konfirmoi se “Policia është duke e realizuar një operacion”.
“Për detaje do t’ju njoftoheni me kohë”, tha zëdhënësi Kelani për KALLXO.com.
