Mbrëmë janë arrestuar bashkëshortja dhe vajza e pronarit të diskotekës “Puls”, Dejan Jovanov – Deko, mëson jozyrtarisht Netpres.
Janë konfiskuar pesë telefona dhe ato ende ndodhen në polici.
Sipas informacioneve, licenca e falsifikuar për funksionimin e diskotekës, e cila ishte lëshuar gjatë kohës së ministrit të ekonomisë Kreshnik Bekteshi, ishte marrë nga vajza e Jovanovit.
Policia po kryen bastisje në një tjetër objekt në pronësi të pronarit të diskotekës “Puls” dhe ka hyrë për kontroll në zyrat e Inspektoratit Shtetëror të Tregut në Koçan.
Dejan Jovanov – Deko, i cili aktualisht është në paraburgim, ishte qiramarrës i diskotekës “Puls”, ku në një zjarr humbën jetën 59 të rinj. Ai gjithashtu menaxhonte kafenenë “Klasik” në qendrën tregtare në Koçan, si dhe degën e Cargo Express për Koçan dhe Vinicë.
