Arifi: VMRO nuk ka nevojë për protestues, BDI dhe PDSH po mbrojnë deputetin e saj

Gazetari i njohur Benjamin Arifi ka kritikuar ashpër paraqitjen e përfaqësuesve të BDI-së dhe PDSH-së në Komisionin Shtetëror Zgjedhor (KSHZ).
“Jashtë KSHZ-së sot nuk paska simpatizues të VMRO-së për të protestuar. Si duket nuk ka nevojë, sepse anëtarët e BDI-së dhe PDSH-së në KSHZ denjësisht po e mbrojnë deputetin e VMRO-së”, ka shkruar Arifi.
Zhvillimet në KSHZ i ka komentuar edhe zyrtari i Lëvizjes BESA, Emad Mehmeti, i cili madje PDSH-në dhe BDI-në i quan “DUI” dhe “DPA”. . “DUI e DPA kundër deputetëve shqiptar të BESËS në mbështetje të plotë të VMRO! DUI e DPA çdoherë kanë shkelur BESËN, prandaj bëjnë atë që u thonë ‘Mijallkovat’”, thotë Mehmeti.