Kompania farmaceutike “Alkaloid” në periudhën janar-mars 2023 ka realizuar shitje prej 70.5 milionë euro, rritje të eksporteve prej mbi 28% ndërsa ka hapur edhe 47 vende të reja pune. Gjatë kësaj periudhe shitjet arrijnë në mbi tre miliardë denarë, që është 15% më shumë në krahasim me periudhën e njëjtë të vitit të kaluar. Shitjet e konsoliduara në tregun e brendshëm, sipas një komunikate të kompanisë janë rritur me 3%, dhe totali i eksporteve të konsoliduara me 28%. Në periudhën janar-mars 2023 në “Alkaloid” në Maqedoni janë bërë 47 punësime të reja. Kompania numëron 2678 punonjës, nga të cilët 2039 në vend dhe 639 në filiale jashtë vendit. Aksionet e Alkaloidit janë të listuara në tregun zyrtar të Bursës së Maqedonisë që nga viti 2002 dhe konsiderohen si një nga aksionet më të tregtueshme dhe më likuide në vend./Alsat.mk
