Kandidati i pavarur për komunën e Kërçovës, Shkodran Alili i dërgoi mesazh kryetarit aktual Fatmir Deharit, që siç tha është koha që të hap krahun për rininë dhe ta mbështesë atë siç mori mbështetje nga rina në çdo cikël zgjedhor. Alili tha se është koha që t’i jepet hapësirë rinisë dhe të mbështetet pa kushte, që të tregojnë se dinë dhe mund të ndërtojnë.
“Kjo rrugë të qon aty ku duhet të vetëdijesohen politikanët tanë që i kemi në pushtet shumë vite, mos të themi të politikës 22 vjeçare, e sidomos të një individi 12 vjeçar në pushtet lokal e në nivel qendror gati 22-23 vite. Besoj se është e frytshme edhe për atë që të bëjë një rotacion politik, të hapi krahun e rinisë, të motivojë rininë, ta mbështesë rininë. Është koha si rinia që e ka mbështetur atë në çdo cikë zgjedhor, në çdo ëndërr të tij ose vendim të tij, rinia e ka përkrahur pa asnjë kusht, është momenti që tani t’i jepet hapësira rinisë që të tregojmë edhe ne se sa dimë dhe sa mund të ndërtojmë”, tha Alili.
https://www.facebook.com/tv21hd/videos/1843097169844974/?ref=embed_video
