Policia e Kumanovës ka realizuar një aksion të suksesshëm në Kumanovë, me ç’rast ka arrestuar një 39 vjeçar, njoftoi MPB.
Aksioni është realizuar dje pasdite, kur është arrestuar personi i cili është arratisur nga burgu i Idrizovës para gati një viti, raporton TV 24. Ai ka ikur nga burgu më 16 dhjetor të vitit të kaluar, duke përdorë dhunë dhe kërcënim serioz, kurse në Idrizovë ka vuajtur dënim në kohëzgjatje prej 20 viteve, transmeton Gazeta Lajm.
Deri në momentin e arrestimit ai vetëm në Kumanovë ka kryer 10 vepra penale edhe atë 6 plaçkitje, tri vjedhje të rënda dhe një vjedhje veture.
