Një aksident rrugor është shënuar pasditen e sotme në aksin që të çon drejt fshatit turistik Tushemisht, ku janë përplasur dy automjete.
Si pasojë e përplasjes, tre pasagjerë kanë mbetur të lënduar, ndërsa janë transportuar me urgjencë drejt spitalit të Pogradecit për ndihmë mjekësore. Deri më tani nuk raportohet për rrezik për jetën, gjendja shëndetësore e tyre mbetet e stabilizuar.
Në vendngjarje ndodhen forcat e policisë, të cilat po kryejnë hetimet paraprake për zbardhjen e plotë të rrethanave të aksidentit.
Kujtojmë se rruga që lidh qytetin e Pogradecit me Tushemishtin është një nga segmentet më të frekuentuara në stinën e verës, për shkak të fluksit turistik në zonën liqenore.
