Agim Islami është një nga shqiptarët e dënuar me burgim të përjetshëm në Maqedoninë e Veriut për rastin Alfa, ngjarja e ndodhur në vitin 2008 në Shkup ku makina e skuadrës policore Alfa u sulmua me armë, duke shkaktuar vdekjen e 1 polici dhe plagosjen e 2 të tjerëve.
Prej 14 vitesh Agim Islami tashmë vuan dënimin me burg përjetë, por ai thotë se është i pafajshëm dhe është dënuar vetëm sepse është shqiptar. Bashkë me të u dënua edhe shqiptari tjetër Rexhail Qerimi, i cili fatkeqësisht ndërroi jetë në burg pak muaj më parë.
