Afrim Gashi: Vlerat evropiane janë paqja, liria dhe demokracia

A po largohemi nga baza filozofike mbi të cilën është ngritur BE-ja. Kjo ishte pyetja që e parashtroi kryetari i Lëvizjes BESA, Afrim Gashi, në Komisionin për Çështje Evropiane, pas siç e quajti ai, provokimit nga kancelari austriak Sebastian Kurc, i cili në momentin e dorëzim pranimit të detyrës nga kryesimi bullgar i BE-së, ka thënë se Austria duhet të merret me çështje të mëdha, ndërsa çështjet e vogla duhet t’u lihen qeverive lokale dhe nacionale. Gashi tha se vlerat evropiane për të cilat kemi mësuar janë diversiteti, paqja, liria, demokracia dhe të ngjashme. Ai shtoi se do të donte që Austria t’i ngrisë këto vlera dhe të mbetet në atë fushë.
Afrim Gashi, kryetar i Lëvizjes BESA
“Vetë motoja dhe këto probleme reale na dërgojnë në një rrugëtim për të konkluduar se BE-ja sot do të merret me problemet pragmatike reale që i tangon. Ndërsa nga ana tjetër, ajo që është teza ime në këtë fjalimin tim është, a po largohemi nga baza filozofike mbi të cilën është ngritur BE-ja në mendoj që sfida kryesore e Austrisë do të jetë, a do të mbetet Evropa inkluzive, apo do të shkojë në rrugëtimin që të bëhet ekskluzive. Për ta dëshmuar këtë janë dy indikatorë, e para është kriza e migrantëve dhe e dyta është integrimi i Ballkanit Perëndimor. / shenja.tv