Sindikata e policisë së Maqedonisë së Veriut njofton se për shkak të presioneve, maltretimit dhe mobingut, para ca kohe një polic në SPB-në e Kumanovës e ka lënë punën.
Sipas sindikatës, bëht fjalë për “polic të ri dhe të ndershëm” që ka marë pjesë në realizimin e detyrave më të komplikuara policore, kurse njëkohësisht ka qenë i angazhuar edhe si pjesëtar i Njësitit të posaçëm.
“Kolegu ynë pa kurrfarë shkaku dhe pa kurrfarë sqarimi nga vendi i tij i punës në Stacionin Policor në Kumanovë, me vendin joligjor është dërguar jashtë vendbanimit të tij si polic në njësinë policore Mateç, që gjendet në këtë fshat të komunës së Likovës. Pasi në relacionin SPB Kumanovë-SP Mateç nuk ka transport të organizuar zyrtar, e nuk ka as transport publik, kolegu ka qenë i detyruar që me veturën e tij zyrtare të udhëtojë nga dhe deri te vendi i punës, duke kaluar mesatarisht 40 kilometra brenda ditës”, thonë nga Sindikata.
Ai ka bë kërkesë për kompensim të shpenzimeve të rrugës, por pa asnjë sqarim i është refuzuar.
“I përballur me presion të madh, maltretim dhe mobing në vendin e tij të punës, kanë kontribuuar që te kolegu të paraqitet shkallë e lartë e dëshpërimit dhe demotivimit, me ç’rast ai ka vendosur të largohet nga MPB”, thuhet në reagimin e Sindikatës policore.
