E gjithë kryesia, bashkë më kryetarin dhe sekretarin e degës së Aleancës për Shqiptarët dega Butel – Shkup kanë dhënë dorëheqje nga postet e tyre në Aleancën për Shqiptarët. Nuk dihen motivet dhe pse ka ndodhur kjo, por për situatën e krijuar sot është thirrur mbledhja e degës së Aleancës për Butelin ku do të analizohet situata e krijuar.
Përndryshe ditë më parë anëtari i kryesisë qendrore të Aleancës për Shqiptarët nga Buteli i Shkupit, Arban Balliu ka reaguar në profilin e tij në facebook për anashkalimin që ua ka bërë Aleanca për Shqiptarët në takimin e zhvilluar në Shkup me qytetarët.
