Prokuroria Publike, ende nuk i ka ftuar për të dëshmuar gazetarët shqiptar për ndodhitë e 27 prillit. Zbardhje e vonuar, arrestime për sy e faqe, kështu vlerësojnë gazetarët të cilët ishin të rrezikuar natën e tmerrshme të 27 prillit brenda në Kuvendin e Maqedonisë. Gazetarët shprehen të rrevoltuar shkaku se organizatorët e ati evenimenti shëtisin ende të lirë, shkruan Almakos.
Gazetari Xhenur Iseni thotë se Qeveria tani për tani nuk ka ndërmarr hap konkret dhe decid për të zbardhur natën e errët të 27 prillit.
“Edhe pse kemi disa paraburgime “sa për sy e faqe” por personat primar ende ecin lirshëm nëpër qytet dhe nuk janë përgjigjur për terrorin e ushtruar ndaj gazetarëve dhe deputetëve. Pritjet janë minimale që të zbardhet rasti por gjyqësia në Republikës së Maqedonisë, duhet të tregoj se drejtësia nuk është e verbër si deri më tani dhe kryerësit të marrin dënimin maksimal”, deklaroi Iseni për Almakos.
Iseni thotë se duke pasur parasysh edhe dënimin e djeshëm të Grujevskit, siç thash edhe më lartë pritjet janë minimale që të zbardhet 27 prilli.
“Atë natë u sulmuan nevojat e shqiptarëve, ndërsa tani duke pasur parasysh se BDI është në pushtet dhe e dimë se këto 15 vite që ka qenë pjesë e pushtetit BDI-së nuk i ka interesuar për nevojat dhe kërkesat e shqiptarëve, prandaj edhe nuk pres që të zgjidhet rasti në fjalë”, shtoi Iseni.
Iseni për Almakos thotë se as ai, po as shumica e kolegëve që natën e 27 prillit ishin të bllokuar në Kuvend nga sulmuesit, nuk u ftuan nga Prokuroria Publike për të dëshmuar.
Sipas gazetarit, Blerim Ismaili, Qeveria fillimisht ka për obligim të hetoj dhe pastaj Gjykata tua shqiptoj dënimin e merituar deputetetëve të VMRO DPMNE-së të cilët sipas Ismailit nga xhirimet e kamerave të sigurisë brenda Kuvendit, me vetedije hapen dyert dhe u bene bashkepuntore te sulmuesve.
“Ata rrezikuan jetën e deputeteve dhe gazetarëve. Qeveria dhe kryeministri Zoran Zaev në disa raste premtuan zbardhje të tërësishme të ngjarjeve të tmerrshme të 27 Prillit dhe me qëllim të kthimit të besimit të qytetarëve se më në fund funksionojnë ligjet në Maqedoni”, deklaroi për Almakos Ismaili.
Sipas tij, zbardhja e këtij rasti duhet të ndodhe ditë me parë.
“Si gazetar jeta e të cilit u vendos në rrezik, deri më sot për deshmin time nevojë kishte vetëm policia por jo dhe Prokuroria”, përfudnoi Ismaili.
Mevludin Imeri
Alamakos.com
