Si kryetar i Qytetit të Shkupit që prej ditës së parë do të filloj koncept serioz dhe do të ndërmarr masa serioze, të cilat do të kontribuojnë për çlirimin e qytetit nga ndotja enorme, porositi sot Petre Shilegov, kandidat për kryetar të Qytetit të Shkupit nga LSDM dhe Koalicioni.
“Ai nuk do të jetë proces i lehtë, por do të jetë proces në të cilin rezultatet do të vijnë në mënyrë suksesive. Prandaj nuk do të lejojmë të humbim asnjë ditë, që rezultatet të jenë sa më shpejtë të realizueshme. Në mënyrë aktive do t’i kyçim edhe përfaqësuesit e asociacioneve qytetare, në konceptin e administratës së qytetit që do ta kryesoj. vendimet nuk do t’i sjellim nga zyra – në mënyrë autocentrike, por do të sillen me ata njerëz të cilët më së miri e dinë dhe e njohin problematikën”, deklaroi Shilegov.
Theksoi se asociacionet qytetare më së miri e njohin problemin me ndotjen dhe shtoi se me Nismën qytetare “O2 KoalicionI” kanë arritur pajtueshmëri për masa të caktuara, të cilat do të duhet të zbatohen në luftën për ajër të pastër dhe mjedis të shëdnetëshëm jetësor.
Paralajmëroi se menjëherë do të fillojë edhe me sanimin e shtratit të lumit Vardar, mënjanimin e materialit ndërtimor nga shtrati i lumit dhe rërës, ndërkaq u obligua edhe se vazhdimisht do ta rrisë buxhetin e qytetit për mbrojtjen e mjedisit jetësor.
