Kandidati i BDI-së për kryetar të Komunës së Gostivarit, Nevzat Bejta.
Kandidati i BDI-së për kryetar të Komunës së Gostivarit, Nevzat Bejta, në pres konferencën e sotme shpalosi projektin për përfundimin e tërësishëm të rrjetit të ujësjellësit në qytetin e Gostivarit, si dhe projektet e tjera të planifikuara për mandatin e ardhshëm.
“Ndërtimin e katër rezervuarëve, i pari është nga fundi dhe po ndërtohet mes Ravenit dhe Vërtokut, dhe tre të tjerët do të ndërtohen në Zdunjë, Bajnicë dhe Çegran. Për herë të parë në rrjetin kryesor të ujësjellësit do të përfshihen edhe dy vendbanimet më të mëdha që s’kanë pasur lidhje në rrjet, Forinën dhe Çegranit, dhe bunarët do mbeten pjesë e historisë”,- deklaroi kandidati për Komunën e Gostivarit nga BDI, Nevzat Bejta.
