Fëmijët të cilët kanë nevojë për hormonin e rritjes, shpesh herë duhet ta ndërpresin terapinë për shkak të vonesës në shpalljen e tenderëve apo të presin të lirohet ndonjë vend derisa terapinë e marrin fëmijët e tjerë. Pikërisht në ditët e ardhshme 20 fëmijë nuk do të mund ta vazhdojnë terapinë për shkak të vonesave teknike në Klinikën për fëmijë në Shkup, shkruan Almakos.
Sipas kryetarit të Shoqatës së prindërve me fëmijëve me sëmundje endokrinologjike të rritjes, Aleksandar Petrovski ,një nga kërkesat e tyre është që terapia e fëmijëve që kanë nevojë për hormonin e rritjes të mos varet nga shpallja e tenderëve, pasi që për shkak të vonesave në këto të fundit, pengohet edhe marrja e terapisë.
“ Koha e pritjes për kurim është e gjatë dhe varet nga ajo se kur do të lirohet vend nga fëmijët të cilët marrin terapinë dhe me veprimet tenderuese të cila zgjasin shumë, ka vonesa në lajmërimin e tenderëve, ngecin në Këshillat për Çështje Publike dhe si rezultat përfundimtarë ndodh që fëmijët të ndeshen me ndërprerje të kurimit, gjë që është e palejueshme. Për shkak të vonesave në veprimet teknike në klinikën për fëmijë, në ditët e ardhshme 20 fëmijë do të mbeten pa terapinë e hormoneve për rritje, andaj duhet të gjendet mënyrë që marrja e terapisë të mos varet nga tenderët”- tha Petrovski.
Sipas tij, prindërit duhet të kontrollojnë gjatësinë e fëmijëve ë tyre së paku dy herë në vit, dhe më pas të dhënat t’i dërgojnë tek mjeku i familjes dhe pediatri që të njëjtët të shohin nëse fëmija ka rritje normale.
Ndër të tjerat, ata kërkojnë edhe formimin e një regjistri nacional për personat me probleme të rritjes.
“Kërkesa jonë është që të krijohet regjistër nacional për personat me probleme të rritjes rritjen e terapisë deri në tre muaj, t’u mundësohet terapi të gjithë fëmijëve që kanë nevojë për të njëjtën, të gjendet mënyrë që marrja e terapisë të mos varet nga tenderët të cilat vonohen dhe varen nga Këshilli për Çështje Publike”- tha në konferencën e sotme, Aleksandar Petrovski.
I pranishëm në sallë ishte edhe zv. ministri i shëndetësisë, Goce Çakarovski, i cili premtoi se kjo ministri do të kujdeset që ndajë mjete të mjaftueshme nga buxheti për vitet e ardhshme me qëllim që fëmijët të cilët kanë nevojë të marrin hormonin e rritjes ta kenë atë.
“ Nuk do të doja të bënim diskriminime që disa fëmijë të pranojnë hormonin e disa të tjerë të presin deri sa dikush të përfundojë kurimin. Do të kujdesemi që të gjithë këta fëmijë të kenë trajtim të njëjtë”- theksoi Çakarovski.
Ai sqaroi se si Ministri e Shëndetësisë janë të hapur për bashkëpunim me të gjitha organizatat jo qeveritare dhe shoqata të pacientëve me qëllim të arritjes së një efektiviteti më te larte dhe produktivitet, më konkretisht të krijojnë politikë shëndetësore në interes të pacientëve.
Sot ( e mërkurë) me rastin e shënimit të ditës botërore për ngritjen e vetëdijes për rritjen e fëmijëve, nën moton “ Kur flasim për gjatësinë, flasim për shëndetin” organizuar nga Shoqata e prindërve me fëmijëve me sëmundjen endokrinologjike të rritjes, ekipi mjekësor Institutit për Shëndet Publik, falas peshonin dhe matnin fëmijë të cilët donin të informoheshin nëse gjatësia e tyre është e duhura.
Evi Shkopi
Almakos.com
