Partitë shqiptare kanë bërë të qartë se derisa të jetë Nikolla Gruevski lider i VMRO-DPMNE, nuk do të ketë bashkëpunim dhe asnjë mundësi për bashkëqeverisje. Këtë qëndrim e shprehin edhe në BDI, duke theksuar se nuk duan koalicionim me Gruevskin, e këtë e kishte theksuar më parë edhe nënkryetari i BDI-së, Nevzat Bejta.
“Ne si BDI e kemi thënë fjalën JO për presidentin e shtetit. Nga hulumtimet e mia, nuk kam takuar shqiptar që më ka thënë PO qeverisje me Nikolla Gruevskin, dhe të gjithë më kanë thënë JO qeverisje me Nikolla Gruevskin”, ka thënë Bejta në emisionin Click plus në TV21, duke shtuar që shqiptarët janë kundër Nikolla Gruevskit, dhe jo ndaj VMRO-DPMNE-së e cila si parti mund të reformohet dhe të bëhet parti e pranuar edhe për popullin shqiptar.
Edhe nga Lëvizja BESA kanë bërë të qartë se nuk duan koalicionim me BDI.
“BESA nuk hyn me Gruevskin me asnjë çmim. E kemi diskutuar dhe kemi një qëndrim të unifikuar, jo vetëm me Gruevskin por me ata që janë të inkriminuar – nuk mund të jemi në një tavolinë qeverisëse me ta”.
“Gruevski është anti-shqiptari më i madh dhe nëse shkojmë me të do të legjitimojmë të gjitha ato që i ka bërë ai”, ka thënë sekretari i përgjithshëm i BESA, Afrim Gashi.
Kryetari i LR-PDSH-së, Ziadin Sela ka thënë se ai nuk do të futet në qeveri me Nikolla Gruevskin.
”Jo, nuk do të futem në qeveri me Nikolla Gruevskin që më ka quajtur ‘indianc’, që së bashku me Ali Ahmeti më sjellin dy-tre inspektorë çdo ditë në komunën e Strugës dhe mi ka vjedhur mbi 2.5 milionë euro nga buxheti komunal. Unë nuk do të futem në qeveri me Nikolla Gruevskin dhe do të kushtëzojë qeverinë që do ta krijojë Zoran Zaev. I kam humbur zgjedhjet dhe për këtë nuk mundem ta bëj të gjithë platformën.”, kishte theksuar Sela.
Data 05.05.2024
Aktuale
- Regjim i veçantë komunikacioni sot dhe nesër në Tetovë
- “Pse nuk funksionoi martesa” – “Je zhdukë nga jeta jem”, Blero shpërthen në lot në intervistën me Afronën
- Haxhi Krasniqi e fiton meçin ndaj boksierit portugez
- A e bëri Afrona një hap drejt Bleros?
- Brazili në mëshirë të motit të keq/ 56 të vdekur dhe 67 të zhdukur nga përmbytjet
- Ahmeti: Likova dhe Kumanova të gatshme për fitoren e madhe të kauzës europiane!
- Ilirjana i bënë gjeste Kaderit, çka po ndodh kështu?
- Arrestohet në Kosovë “Grupi i Kondovës”