Drejtoria e të ardhurave publike ka publikuar listën e borxhlinjve në të cilën u gjendën mbi 4 mijë firma dhe persona fizik.
Borxhliu më i madh është firma “Oteks” e Ohrit e cila nuk ka paguar tatimin e fitimit në vlerë prej 11,1 milion eurosh. “Makedonija Pat” është gjithashtu një prej borxhlinjve më të mëdhenj me 7 milion euro tatim të papaguar. Shumica e borxhlinjve në këtë listë gjenden me muaj të tërë.
Edhe Radio Televizioni i Maqedonisë gjendet në listën e institucioneve që nuk kanë paguar tatim ndaj shtetit. Televizioni ka borxh prej 1,4 milion eurosh.
Tatimi i papaguar është në bazë të TVSH-së, tatimit të fitimit, tatimit personal, kontributet e obligueshme sociale, akciza e dogana për të cilat vlera e përgjithshme tejkalon 120 mijë denarë për personat fizik dhe 300 mijë denarë për personat juridik.
