Shitësit në tregun e “Bit pazarit” ankohen se ka rënie të madhe të shitjes, pavarësisht se çmimet sipas tyre janë të arsyeshme. Ata thonë se kjo gjendje vjen si pasojë e krizës së thellë politike që ka përfshirë vendin. Ndërkohë edhe më alarmante situata paraqitet me protestat e përditshme, për shkak të të cilave bllokohen rrugët dhe kufizohet lëvizja e qytetarëve.
“Ka ra shitja shumë me të vërtetë, ka qenë shumë më mirë ndërkaq tani aspak nuk është mirë. Kriza shumë ndikon tek ne, ka një muaj e gjysmë që kemi rënie të madhe. Tani kjo kriza, dhe protestat shumë ndikojnë tek ne, sepse ndalohet rruga dhe nuk vijnë njerëz këndej aspak. Në përgjithësi për ne është katastrofë, katastrofë”.
“Është shumë dobët, shumë dobët. Nuk e di a është për shkak të gjendjes politike, apo njerëzit nuk kanë para. Që prej vitit të ri e këndej shumë keq e kemi gjendjen. Në pranverë çdo herë kemi pasur më shumë punë, por tani nuk kemi. Sa do zgjasë kjo gjendje, nuk e di”.
“Nuk ka ndodhë që prej 10 vitesh që kur unë merren me tregti që të ndodh kjo krizë e madhe si po ndodh tani, të mos mund t’i mbulojmë harxhimet e punës që e bëjmë. Besoj se ndikon shumë kriza politike dhe besoj se nëse kjo nuk zgjidhet dhe mos të formohet qeveria, do kemi pasoja të mëdha”.
“Gjendja aktuale e ka sjellë këtë krizë. Që pas zgjedhjeve e këndej puna ka rënë shumë, tepër është dobët”.
Blerësit nga ana tjetër gjithashtu shprehin pakënaqësi si për çmimet ashtu dhe për gjendjen aktuale politike e cila ndikon në standardin jetësorë.
“Është shtrenjtë, politika bëri gjithçka që të vjen deri në këtë gjendje. Ka ndikim shumë, automatikisht tregu bëhet më I shtrenjtë. Numri më I madh I qytetarëve nuk kanë para, me këtë politikë nuk e di se deri ku do të shkojmë, klasa e ulët po vuan”.
“Për ne nuk është mirë. Jemi të tensionuar, përse të ndodh kështu”.
Qytetarët kërkojnë zgjidhje të shpejtë të krizës politike, gjë që sipas tyre do t’i hapte rrugën përmirësimit të standardit jetësorë./Alsat-m