Në seancën e sotme për rastin e Kumanovës, në gjykatë u paraqitën Bajram Elshani dhe Nexhmedin Lika. I akuzuari i parë Bajram Elshani, në dëshminë e tij tha se ai është dhunuar seksualisht nga ana e pjesëtarëve të njësisë “Tigrat”, pas dorëzimit të tij, në ditën e 9 majit. Pa dashur të jap shumë detaje, për shkak se ndehej shumë i turpëruar, ai vetëm tha se nga ajo ditë ai nuk ka dëshirë për jetë.
Avokati mbrojtës Naser Raufi tha se i akuzuari i sotshëm nuk është personi i vetëm ndaj të cilit është ushtruar dhunë, por të gjithë të akuzuarit që kanë dëshmuar deri tani e kanë pohuar këtë gjë, por që rasti i Bajram Elshani është paksa më ndryshe, sepse ai është dhunuar në një mënyrë shumë çnjerëzore.
“Jo vetëm i akuzuari Bajram Elshani, por deri tani 22 apo 23 sa kanë dëshmuar prej të akuzuarve, të gjithë janë ankuar, që është një masë enorme, një mënyrë jo njerëzore që civilizacioni nuk e mban mend ndoshta. Dmth mund lirisht të them që terrori është bërë praktikisht nga ana e njësive speciale në një mënyrë egërsore, johumane dhe këto lëndë janë të procesuara te prokuroria e rregullt…dhe u vërtetua edhe ajo punë që deri tash përsëritet që tërë kohën, prej periudhës së paraburgimit, praktikisht prej 10 majit, deri ndoshta para një muaji kur u ndërpre, dhuna ka qenë në kontinuitet”, tha avokati mbrojtës Naser Raufi.
Ndërsa,i akuzuari i dytë që dëshmoi sot para gjykatës ishte Nexhmedin Lika, i cili tha se ardhja e tij në Maqedoni nuk kishte të bëjë aspak me motive lufte, por se ai ishte takuar rastësisht në Prishtinë me Xhafer Zymberin dhe Beg Rizajn dhe pas disa bisedave qëi kanë pasur, ata i kanë premtuar se do mund që t’ia zgjidhnin një problem që ai e kishte këtu në Maqedoni, por që të njëjtin nuk e zgjodhën aspak dhe kur e kuptoi këtë gjë, Lika tha se ka dashur që të kthehet në shtëpi, por ata, gjegjësisht Beg Rizaj, Xhafer Zymberi dhe Mirsad Ndrecaj nuk e kanë lejuar.
“Ata më thanë se kanë një person të fortë në Maqedoni, edhe atë në Shërbimin Sekret që mund të më ndihmojnë në zgjidhjen e problemit tim dhe kështu së bashku me Xhaferin dhe dy djem tjerë erdha në Maqedoni duke ndjekë rrugë malore. Pastaj shkuam në një hapësirë që ishte shumë e madhe takuam shumë njerëz, por nuk u bisedua për çështjen time, pastaj edhe dy herë tjera më thanë do të takohemi tek një rrugë më poshtë, do takohemi tek një rrugë tjetër dhe nuk u takuam aspak me personin për të cilin kisha ardhur këtu. Pashë që kisha ardhur gabim këtu dhe kështu vendosa të kthehesha, por Mirsad Ndrecaj më tha se nëse shkon, atëherë çfarëdo që të na ndodh neve, do të jesh i përfshirë edhe ti, si tradhtar dhe si bashkëpunëtor, kështu un vendosa të qëndroj”, tha i akuzuari Nexhmedin Lika.
Ndërkaq, avokati Naser Raufi gjatë prononcimit të tij të sotëm tha se të akuzuarit në secilën seancë tregojnë se ata në Maqedoni nuk kanë ardhur aspak për përfitime materiale, gjegjësisht të holla por për jobarabarsinë, mosimplementimin e Marrëveshjes së Ohrit dhe diskriminimin e vazhdueshëm që u bëhet shqiptarëve të Maqedonisë.
Emine Ismaili /SHENJA/
SKANDAL: I akuzuara për rastin e Kumanovës… by tvshenjaofficial
