Ligji për përfaqësim adekuat të shqiptarëve nëpër institucione, nuk respektohet as në Shtëpinë Memoriale “Nënë Tereza” në Shkup. Në këtë institucion përqindje më të madhe të përfaqësimit kanë kroatët sesa shqiptarët. Nga 14, qëështë numri i përgjithshëm i të punësuarëve, vetëm 1 është shqiptar, maqedonas 7, ndërsa pjesa tjetër janë prej nacionaliteteve tjera që jetojnë në Maqedoni. Prej tyre, 3 janë kroat, 1 serb dhe një polake.
Drejtoresha e këtij institucioni, Renata Kutera Zdravkovska, thotë se kriter kryesor për punësim në shtëpinë përkujtimore, është kualiteti I kandidatëve.
“Në shtëpinë përkujtimore, kriter më i rëndësishëm është kualiteti i kandidatit. Kur punësojmë ndonjë të ri, ai duhet të flas të paktën dy gjuhë të huaja, flas për të punësuar që kanë kontakt me vizitorët, sepse tek ne vijnë njerëzit nga e gjithë bota.Kështu, të gjithë ciceronët flasin dy gjuhë të huaj, gjuhën angleze domosdoshmërisht, ndërsa disa tre. Në rast të intervistave për punësime, unë së bashku me komisionin vendosim të zgjedhim kandidatët më kualitativ”, tha Renata Kutera-Zdravkovska.
E pyetur se pse shqiptarët nuk janë të përfaqësuar me 25 %, ashtu siç edhe parashihet ligjërisht, ajo u arsyetua duke thënë se dorëzojnë çdo vit kërkesa në Ministrinë e Kulturës për punësime të reja por të njëjtat nuk miratohen.
Teuta Buçi /SHENJA/
“Shtëpia e Nënë Terezës” me vetëm një shqiptar… by tvshenjaofficial
