Për përsëritjen e votimit në një vendvotim të dielën në Tearcë, fletëvotimi ngel i njëjtë, vërtetuan nga Komisioni Shtetëror Zgjedhor.
Kjo nënkupton se edhe përskaj paralajmërimeve se nuk do të marrin pjesë në rivotim, bartësi i kandidatëve të koalicionit të udhëhequr nga VMRO-DPMNE gjendet me numër rendor numër një.
Listat e kandidatëve janë vërtetuar dhe ata ngelin të njëjta ashtu si për votimin me 11 dhjetor. Në vendvotimin 2011, ku do të rivotohet, janë shënuar 714 votues.
