Personat që kanë punuar jashtë vendit nuk do të paguajnë taksa nëse vërtetojnë se kompania përmes së cilës janë punësuar ka paguar taksa në vendin ku janë punësuar, shpjegoi sot kryeministri Hristijan Mickoski në përgjigje të pyetjes së një gazetari në lidhje me njoftimet e DAP-it për pagesën e taksave për personat që kanë punuar jashtë vendit.
“Dua të sqaroj disa gjëra. Nuk bëhet fjalë për taksë retroaktive. Ky është një ligj që u miratua nga qeveria e mëparshme e LSDM-së dhe BDI-së, ndërsa DAP-i, për shkak se afati ligjor para këtyre vendimeve skadoi në fund të vitit të kaluar, duhej t’u drejtohej individëve, si dhe të gjithë qytetarëve në vend, në mënyrë që ata të paguajnë taksën që duhet të paguajnë në shtet. Nëse DAP-i nuk do ta kishte bërë këtë, atëherë ndonjë qeveri do të na kishte ndjekur neve ose ndoshta kjo qeveri dhe do të kishte kërkuar përgjegjësi penale për DAP-in, ose më saktë për drejtoreshën, për dëmtimin e Buxhetit. DAP-i vetëm u dorëzoi individëve një njoftim se duhet ta shlyejnë atë detyrim brenda një afati të caktuar. Patëm takim në kabinetin tim, biseduam me njerëz që ishin në pjesë të ndryshme të botës dhe arritëm në përfundimin se ata duhet të vërtetojnë se kompanitë që i punësuan ata paguanin taksë në vendin ose vendet ku ishin punësuar. Dhe në atë mënyrë, DAP-i nuk do ta paguajë atë taksë”, tha Mickoski.
