Gjysmëvjetori i dytë i vitit shkollor do të fillojë me kohë në të gjitha shkollat, konfirmoi Ministrja e Arsimit dhe Shkencës, Vesna Janevska. Nxënësit do të kthehen në bankat shkollore më 20 janar, pa shtyrje të vitit shkollor për shkak të viruseve apo gripit.
Janevska apeloi te prindërit që fëmijët të ndjekin rregullisht mësimin, duke theksuar se rezultatet janë më të mira për nxënësit që marrin pjesë nga dita e parë deri në fund të vitit shkollor. Shkollat janë të përgatitura dhe presin nxënësit për fillimin e gjysmëvjetorit të dytë.
