Një aksident rrugor është regjistruar gjatë natës në afërsi të Rrugës së Turizmit të Vjetër në Kukës, ku një automjet i parkuar është përplasur nga një makinë tjetër që më pas është larguar nga vendi i ngjarjes.
Sipas njoftimit të policisë, automjeti i dëmtuar është një “Benz” me targa AA 428 CT. Makina e parkuar është goditur nga pas me një forcë të tillë që u zhvendos rreth 50 metra nga vendi ku ishte qëndruar, duke rrëzuar edhe një shtyllë ndriçimi në trotuar.
Makina që ka shkaktuar përplasjen është larguar nga vendi dhe deri më tani policia nuk ka informacione për identitetin e saj.
Nuk ka të dhëna për persona të lënduar në këtë aksident, ndërsa hetimet për zbardhjen e plotë të ngjarjes dhe kapjen e autorit vijojnë.
