Apple do të zbulojë të martën linjën e saj të re të iPhone-ve, një ngjarje që pritet me shumë interes nga adhuruesit e teknologjisë.
Me këtë lançim, iPhone-t e rinj do të shënojnë një moment të rëndësishëm, pasi janë të parët që do të dalin në treg pas kthimit të presidentit Donald Trump në Shtëpinë e Bardhë, i cili ka nisur një breshëri tarifash për të rikthyer prodhimin në SHBA.
Nëse Apple vazhdon me traditën e saj, modelet e reja do të quhen iPhone 17, duke ruajtur kështu një linjë emërtimi që ka filluar që nga debutimi i parë në vitin 2007.
Megjithatë, kompania nga Cupertino ka devijuar nga disa tradita, sidomos në emërtimin e sistemit të saj operativ, iOS, që tani pritet të quhet iOS 26, një strategji marketingu që ka qenë e zakonshme për prodhuesit e makinave.
Edhe pse iPhone-t e rinj pritet të prodhohen në fabrikat e Apple në Kinë dhe Indi, kjo ka shkaktuar shqetësim në administratën Trump, e cila ka kërkuar që prodhimi të realizohet në SHBA.
Trump dhe Sekretari i Tregtisë, Howard Lutnick, kanë insistuar vazhdimisht se iPhone-t duhet të prodhohen në vend, një kërkesë që analistët e konsiderojnë të pamundur për t’u realizuar në një afat të shkurtër.
Analistët parashikojnë se një kalim i tillë do të dyfishonte ose trefishonte çmimin aktual të iPhone, që tani është rreth 1,000 dollarë, duke e bërë atë të papërballueshëm për shumë konsumatorë.
Tim Cook, CEO i Apple, ka përpiqur të qetësojë situatën duke premtuar investime të mëdha në SHBA, duke e rritur angazhimin fillestar prej 500 miliardë dollarësh me një shtesë prej 100 miliardë dollarësh, duke shfaqur kështu një përkushtim të fortë ndaj tregut amerikan.
