Prodhimi i Brendshëm Bruto u rrit për 3,4 për qind në prill, maj dhe qershor. Veçanërisht më vjen mirë që sektorët ndërtimtari, transport dhe magazinim po rriten fuqishëm! Ata janë shtytëse të ekonomisë së Maqedonisë së Veriut! Në tremujorin e dytë sektori ndërtimtari u rrit për 7,3 për qind, njoftoi zëvendëskryeministri dhe ministri i Transportit, Aleksandar Nikolloski në profilin e tij në Fejsbuk.
“Kryeministri Hristijan Mickoski publikoi lajme të shkëlqyera për ekonominë maqedonase – në muajt prill, maj dhe qershor, prodhimi i brendshëm bruto u rrit me 3.4%. Jam veçanërisht i lumtur që sektorët e ndërtimit, transportit dhe magazinimit po rriten fuqishëm! Ata janë motorët e ekonomisë maqedonase! Në tremujorin e dytë, sektori i ndërtimit u rrit me 7.3%, një rritje edhe më e fortë se në tremujorin e parë prej 7.1%, ndërsa sektori i transportit dhe magazinimit u rrit me 6.0%,” shkruan ai në profilin e tij në Fejsbuk.
Me aktivitet të përforcuar në pjesën e ndërtimit të rrugëve, investime në hekurudha dhe projekte me rëndësi lokale, shton Nikolloski, rritja në tremujorin e tretë do të jetë më e fuqishme falë punëtorëve të vlefshëm të cilët punojnë në çfarëdo lloj kushtesh të motit dhe politikat e qarta dhe strategjia e Qeverisë dhe Ministrisë së Transportit.
